జన్మ మెత్తితిరా.. అనుభవించితిరా

జన్మమెత్తితిరా అనుభవించితిరా

బ్రతుకు సమరములో పండి పోయితిరా

మంచి తెలిసి మానవుడుగా మారినానురా ||జన్మ||

స్వార్థమను పిశాచి మదిని స్వారి చేసెరా

బ్రతుకంతా చెలరేగిన ప్రళయమాయెరా || స్వార్థ ||

దైవ శక్తి మృగత్వమునే సంహరించెరా || దైవ ||

సమర భూమి నా హృదయం శాంతి బొందెరా ||జన్మ||

క్రోధ లోభ మోహములే పడగలెత్తెరా

బుసలు కొట్టి గుండెలోన విషము గ్రక్కెరా ||క్రోధ||

ధర్మ జ్యోతి తల్లివోలె ఆదరించెరా ||ధర్మ ||

నా మనసె దివ్య మందిరముగా మారిపోయెరా

మట్టి యందె మాణిక్యం దాగి యుండురా

మనిషి యందె మహాత్ముని కాంచగలవురా ||మట్టి||

ప్రతి గుండెలో గుడి గంటలు ప్రతిధ్వనించురా ||ప్రతి||

ఆ దివ్య స్వరం న్యాయ పధం చూపగలుగురా ||జన్మ||